Segnora de su nie,
Su pregu meu curret oe a Tie,
Da-e Campidanu Ti lu mandu, a incue;
Ti prego, e Tue,
Da-e pes de Gennargentu isculta a mie.
Segnora de su monte,
Abbaida sa Sardigna in dogni fronte:
Est sicca, inue b'est erba incue b'hat fogu;
In dogni logu,
In monte e in pranu sicca est dogni fonte.

SEGNORA DE SU MONTE,
SEGNORA DE SU NIE,
ISCULTA S'OGHE A MIE
E DE SARDIGNA.

Reina de su nie,
Po sa Sardigna isculta s'oghe a mie:
Ammantalu Limbara e Gennargentu
Chi ogni momentu
Su riu donet abba notte e die.
Segnora 'e Gennargentu,
Siat a sos sardos s'abba Tua sustentu,
Istudet dogni sidi e dogni fogu,
Su peus giogu
Chi sa Sardigna, finzas cussu, hat tentu.

SEGNORA DE SU MONTE,
SEGNORA DE SU NIE,
ISCULTA S'OGHE A MIE
E DE SARDIGNA.
SEGNORA DE SU NIE.

Signora della neve,
La mia preghiera corre oggi a Te,
Dal Campidano Te la mando, lassù.
Ti prego, e Tu,
Dai piedi del Gennargentu, ascoltami.
Signora del Monte,
Guardala la Sardegna da ogni lato:
E' secca, dove vi è erba, lì vi è fuoco,
In ogni luogo,
In monte e in piano secca è ogni fonte.

SIGNORA DEL MONTE,
SIGNORA DELLA NEVE,
ASCOLTA LA MIA VOCE
E QUELLA DELLA SARDEGNA.

Regina della neve,
Per la Sardegna ascolta la mia voce:
Coprili i monti di Limbara e Gennargentu
Affinchè in ogni momento
Il ruscello dia acqua, notte e dì.
Signora del Gennargentu,
Sia ai sardi l'acqua tua sostentamento,
Spenga ogni sete e ogni fuoco,
La peggior beffa
Che la Sardegna, anche questo, ha avuto

SIGNORA DEL MONTE,
SIGNORA DELLA NEVE,
ASCOLTA LA MIA VOCE
E QUELLA DELLA SARDEGNA.
SIGNORA DELLA NEVE.